Måndag 9. mars kom ei gruppe uavhengige ekspertar som gir råd til EU-kommisjonen om det grøne skiftet, med ei liste over energikjelder som dei hevda var gunstige for miljø og klima. Atomkraft var ikkje med, trass i det låge utsleppet av karbondioksid frå atomreaktorane.
I midten av desember 2019 vedtok Europarådet, under press frå Ungarn, Tsjekkia og Frankrike at ein ikkje kan utelate at atomenergi kan vere med å føre til at EU oppnår målet om nullutslepp av karbon i 2050. På kort sikt kan atomenergi vere med å forebygge klimaendringar, men på langt sikt hevdar dei, er problema med lagring og deponering av det radioaktive avfallet eit uløyst problem.
Eva Solfrid Fidjestøl har hovudfag i kjernefysikk frå UiO frå 1962. Ho har vore lektor i vidaregåande skule i realfag og høgskulelektor i fysikk og miljøfag på Lærarhøgskulen i Bergen.
Eva Fidjestøl har lenge vore aktiv i miljørørsla. blant anna som medlem i Nei til Atomvåpen, Naturvernforbundet og Internasjonal Kvinneliga for Fred og Frihet (IKFF) i mange år.
Eva Fidjestøl var med i det internasjonale styret til Barn av Tsjernobyl i Minsk i perioden 1996 til 2014 og besøkte Kviterussland og dei radioaktive sonene i landet 12 gonger i den perioden.
Eva Fidjestøl er med i referansegruppa til Norsk Nukleær Dekommisjonering (NND) som har til oppgave å avvikle dei norske atomanlegge og handtere avfallet frå norsk atomforskning.
Vis alle innlegg etter evafidjestol
Atombloggen - Eva Fidjestøl (CandReal) 